കല്ലടിക്കോട്: ജില്ലാ പഞ്ചായത്തിന്റെ ജലവൈദ്യുതി പദ്ധതി പ്രദേശമായ മീൻവല്ലത്തേക്കുള്ള റോഡ് മഴയിൽ തകർന്നു. ഇന്നലെ പെയ്ത മഴയിൽ വെള്ളം കുത്തിയൊലിച്ച് ഒരുമീറ്ററോളം വലിയ കുഴികൾ റോഡിന്റെ ഇരുവശത്തും രൂപപ്പെട്ടു.
ടൂറിസ്റ്റ് കേന്ദ്രത്തിലേക്കും ജില്ലാപഞ്ചായത്തിന്റെ വൈദ്യുതി ഉത്പാദന നിലയത്തിലേക്കുമുള്ള ഇതോടെ യാത്ര ദുസഹമായി. ശക്തമായ മഴയുണ്ടായാൽ ഏതുസമയത്തും ബാക്കി റോഡിന്റെ വശങ്ങളും തകർന്നു പോകാൻ ഇടയുണ്ട്. അഴുക്കുചാലുകൾ നിർമിച്ച് റോഡിന്റെ വശങ്ങൾ സംരക്ഷിക്കണമെന്ന ആവശ്യം ശക്തമായിട്ടുണ്ട്.